זינט יאַנקל־פּרץ האָט זיך גענומען לערנען ייִדיש זײַענדיק אַ סטודענט אין אוניװערסיטעט איז די שפּראַך געװאָרן דער צענטער פֿון זײַן פּערזענלעך, געזעלשאַפֿטלעך, און פּראָפֿעסיאָנעל לעבן.
ער אַרבעט װי אַ ייִדיש־לערער, רעדאַקטאָר, און איבערזעצער. צו זײַנע פֿאַרדינסטן צײלט ער דאָס װעבאָרט ייִדישפּאָפּ, װוּ ער איז כּמעט פֿון בראשית אָן אַ מיטאַרבעטער, און די הונדערטער סטודענטן װאָס ער האָט געהאָלפֿן לערנען ייִדיש דורך פּריװאַטע לעקציעס און אין פּראָגראַמען אין יוגנטרוף, דעם ייִװאָ, דעם אַרבעטער־רינג, דער ייִדיש־פֿאַרם, און נאָך און נאָך.
הײַנט לעבט ער אין ירושלים און רעדט ייִדיש מיט זײַן װײַב מירע־רבֿקה און זײערע צװײ קינדערלעך, זאָלן לעבן.
איר קענט זען אַ רעדע װאָס ער האָט געהאַלטן לכּבֿוד דעם 50סטן יובֿל פֿון יוגנטרוף, און אַ פּרעזענטאַציע װאָס ער האָט געהאַלטן אויף ענגליש װעגן ייִדיש.
